Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

nomine a petitione dicti magistri Philippi, et pronunciari debere, petitionem ipsam et libellum non procedere, pendente appellatione predicta. (Pro utrisque.) Quibus litteris apostolicis exhibitis et productis, statim dictus dominus auditor assignavit terminum peremptorie predictis procuratoribus ad cras in vesperis ad comparendum coram eo, audituri interlocutoriam per eum ferendam in causa predicta, dicto Vagnolo protestante de expensis factis et faciendis. (Interlocutoria pro decanis.) Die Jovis, XXVI. dicti mensis Junii, predicte indictionis, in presentia predictorum procuratorum substitutorum utriusque partis, in iudicio comparentium ad audiendum interlocutoriam predictam, venerabilis vir dominus Philippus auditor predictus, visis dicto libello et exceptionibus ac litteris apostolicis memoratis, viso toto predicto processu, habita deliberatione sollempni, interloquendo pronunciavit, exceptionem predictam propositam per dictum Vagnolum, nomine quo supra, procedere, et litis contestationem impedire super libello predicto, ac pendente appellatione predicta, super dicta causa coram eo ulterius procedi aliquatenus non debere. C. Causa inter capitulum Transsilvanense et septem decanatus de iniuriis capitulo illatis. In nomine Domini amen. Anno eiusdem millesimo trecentesimo nono, pontificatus domini Clementis pape quinti anno quarto^ die Sabati, VII. mensis Junii, VII. indictionis, apud Budám, Vesprimiensis diocesis, constitutis in iudicio coram venerabili viro domino Philippo de Sardinea canonico Arborensi, decretorum doctore, capellano reverendi patris et domini domini G.

r Dei gratia tituli sancti Martini in Montibus presbyteri cardinalis, apostolice sedis legati, ac ipsius curie generáli auditore causarum, magistro Philippo de Cingulo procuratore substituto a domino Santio procuratore capituli ecclesie Transsilvane, ex parte una, et Vagnolo de Meuania procuratore substituto a domino Bertoldo decano de Sebus procuratore capitulorum, videlicet de Sebus, de Spreng, de Kozd, de Kyzd et de Cryys, Transsilvane diocesis, de quorum pro-