Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)
propono, procuratorio nomine ipsius capituli, contra providum virum dominum Bertoldum procuratorem capituli de Scebus, Transsilvane diocesis, et contra idem capitulum, quod cum predictum capitulum ecclesie Transsilvane esset in possessione et quasi percipiendi annuam pensionem seu censum, videlicet marcam fini argenti ad pondus Budense de sexaginta fumis, dicando in parrochiis eiusdem capituli de Sebus, a prefato capitulo de Sebus, ipsum capitulum de Sebus pensionem seu censum predictum a duobus annis cum dimidio citra capitulo ecclesie Transsilvane subtraxit iniuste, et eum solvere indebite contradicit, in eiusdem capituli Transsilvani preiudicium et gravamen. Quare peto ego Philippus procurator predictus, procuratorio nomine quo supra, per Vos prefatum capitulum Transsilvanum in statum illum, seu pensionem vei censum, quasi percipiendi ab eodem capitulo de Sebus et personis capituli memorati pensionem prefatam seu censum, subtractos a predictis duobus annis et dimidio citra, restitui eidem capitulo Transsilvano, et restituto, imposterum pacifica possessione gaudere, et ad hoc ipsum dominum Bertoldum, procuratorio nomine quo supra, sententialiter condempnare. Preterea peto, nomine quo supra, [satis] fieri per eum dampnis et expensis factis, et protestor de faciendis; salvo iure addendi, mutandi, corrigendi et declarandi &c. Quo oblato libello, data est copia dicto Vagnolo de eodem; et terminum ad respondendum eidem, nisi aliud rationabile proponatur, dictus dominus auditor eidem Vagnolo, dicto nomine, ad diem Jovis futurum proxime peremptorie assignavit. (Pro decanis.) Die Jovis, XIÍ. mensis Janii, VII. indictionis, comparentibus predictis procuratoribus substitutis utriusque partis in iudicio coram dicto domino auditore, dictus Vagnolus exhibuit in scriptis contra dictum libellum exceptionem infrascriptam, cuius tenor talis est: (Pro decanis.) Coram Vobis, reverendo viro domino Philippo de Sardinea, decretorum doctore, venerabilis patris domini fratris G. 1 Dei gratia tituli sancti Martini in Montibus presbyteri cardinalis, apostolice sedis legati, generáli auditore, excipiendo dico et propono ego Vagnolus de Meuania,
