Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

procurator substitutus a reverendo viro dcmino Bertuldo decano de Sebus, procuratore capituli dicti decanatus de Sebus, contra magistrum Philippum de Cingulo procuratorem substitutum a reverendo viro domino Sancto, qui se dicit procuratorem Albensis ecclesie, et libellum, per dictum procuratorem substitutum propositum coram Vobis contra dictum decanum procuratorem dicti capituli de Sebus, ipsum quidem decanum procuratorem vei me procuratorem substitutum ab eo non debere, nec posse cogi, coram Vobis respondere dicto libello eo, quod a gravamine illato et inferendo dicto capitulo de Sebus a dicto capitulo Albensis ecclesie circa exactionem census, in dicto libello contenti, quo prefatum capitulum Albensis ecclesie spoliatum se asserit, et cuius restitutionem petit, generaliter super quacunque controversia, occasione dicti census inter predicta capitula existente, est ex parte dicti capituli de Sebus contra prefatum capitulum Albense ad sedem apostolicam appellatum, que appellatio est ab eadem sede admissa. Sicque nullus inferior iudex de questione super dicto casu, quomodocunque mota vei movenda, se intromittere potest. Predictam exceptionem propono ego Vagnolus procurator prefatus, salvis aliis exceptionibus, si expedierit, suo loco et tempore proponendis. (Pro capitulo.) Qua exceptione exhibita, statim dictus dominus auditor assignavit terminum dicto magistro Philippo, ad recipiendum copiam de eadem et ad replicandum contra eam, si voluerit, et utrisque procuratoribus ad procedendum in dicta causa, ut de iure fuerit, ad diem Sabati proxime futurum. Die Lune, XVI. dicti mensis, retulit Zuccha nuncius iuratus dicte curie, se citasse heri de mandato dicti domini auditoris Vagnolum procuratorem substitutum predictum, ad petitionem dicti magistri Philippi, quod hodie in vesperis veniret ad procedendum in dicta causa, ut de iure esset. (Pro capitulo.) Eodem die Lune, in vesperis, comparentibus dictis procuratoribus utriusque partis in iudicio coram domino auditore predicto, dictus magister Philippus verbo replicando contra exceptionem predictam, dixit exceptionem ipsam non procedere, nec litis contestationem impedire de iure; nam esto sine preiudicio, quod appellatum esset, sicut dicitur,