Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

Oui omnes testes, iussi a dicto domino auditore, iuraverunt ad sancta Dei evangelia, corporaliter tacta, super dictis articulis dicere veritatem, remotis odio, amore, prece, pretio et timore. Item eodem die ante tertiam, in camera dicti domini auditoris, Vagnolus procurator predictus produxit coram dicto domino auditore infrascriptos testes, coram eo presentes, petens eos, ut supra, quorum nomina sunt hec: (Alii testes pro decanis.) Gallus prepositus Chasmensis et Stephanus prepositus Vesprimiensis. Qui duo testes, iussi similiter a dicto domino auditore, iuraverunt, ut alii proxime nominati, presente magistro Philippo procuratore partis adverse et protestante ac dicente, predictos testes admitti et recipi non debere, et esto quod admittantur et recipiantur, quod sibi nomine partis sue non preiudicet; cum ex adverso sufficienter probaverit talia, que impediunt illa, que probare nititur Vagnolus predictus; protestante etiam, omnes suas exceptiones sibi salvas fore, tam contra ipsos testes, quam contra dicta eorum; et statim produxit interrogatorium, secundum quod interrogentur dicti testes, si recepturi sint, super articulis memoratis; dicto Vagnolo in omnibus et per omnia in contrarium protestante, ac petente, ad receptionem et examinationem dictorum testium, iustitia mediante, procedi. Interrogatorium Philippi de Cingulo super articulis per Vagnolum de Mevania productis.

1 Si testes producti per Vagnolum procuratorem substitutum a domino Bertuldo &c. super primo articulo dixerint aliquid, vei vera esse, dictum ipsius testis seriatim scribatur super quolibet et queratur, quid est illud, quod verum est in eo, quod dicit et testificatur, et per quos obtentum et servatum est, et quorum baronum. Item ubi dicit in iudicio ecclesiastico, queratur, in quorum iudicio et inter quas personas, ecclesiasticas vei seculares, et de quibus questionibus, et si dixerit de visu, queratur de loco, anno, mense, die et quibus presentibus. Item queratur ultimo idem testis, quot annorum est, et de quot annis potest ad plus recordari. Super secundo articulo, ut supra, distincte interrogentur, et interrogentur, de quibus nobilibus vidit observari, et de tempore, et ubi, et inter quos. Super tertio de comitibus, ut primo, diligenter ac distincte interrogentur, et quorum comitum et cuius civitatis, et inter quos, et in cuius i Hoc interrogatorium reperitur in fragmento inter fólia 31 et 32 eiusdem codicis.