Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)
2 Ijoy. S. AUGUSTI. possumus, diligentie nostre studium, ut hec fidelibus ipsis laudabiliter possint, summotis impedimentis quibuslibet, iuxta desiderii plenitudinem, actore Domino, provenire. Sed quamvis universis ct singulis regionibus, Deo et apostolice sedi devotis, favorem apostolicum, quotiens necessitas ingruit, impendere debeamus, et ad eas nostrc mentis diffundamus intuitum, levantes in circuitu vigilis more pastoris tam corporeos quam mentales oculos, visuri, quid gregi commisso nobis expediat, et quid operis impendi debeat circa ipsum, ut illius fulti presidio, cui cogitationes hominum preparantur, quique fortium areus superat, et infirmos robore potenter accingit; ministerii nostri sollicitudinem ad ea presertim, que fidelibus populis necessario expedire viderimus et noverimus profutura, salubriter et utiliter exponamus. Impresentiarum tamen Ungarie regni nobilis necessitates precordialiter intuemur, profundis meditationibus laboriosisque vigiliis insudando, ut eidem in huiusmodi necessitatum articulis, oportunum adhibeatur, Domino auxiliante, consilium, salubreque remedium impendatur. Unde cum hostis humani generis, pacis emulus et zizanie seminator, ab olim in regno eodem turbationes et scandala suscitaverit, ex quibus regale solium ipsiusque regni régimén multipliciter sunt depressa, vastatis fidelium bonis, ecclesiarum et locorum ecclesiasticorum direptis iuribus, conculcata dampnabiliter ecclesiastica libertate, ac subsecutis exinde animarum periculis deplorandis, personarum nephandis excidiis, et aliis fere innumeris detrimentis. Nos exinde graves et amaras gerimus et portamus in mente nostra puncturas, dum miserabilis illius regni conditio, et commissorum inibi enormitates excessuum infra nostra precordia revolvuntur, et utinam desuper dátum esset, ut cum honore Dei et ecclesie ac aliorum salubri statu fidelium, posset comode circa tantum negotium exhiberi nostra presentia corporalis, ut ubi mente vigilanter intendimus, ibi presentialiter nostrum desiderium panderemus. Sed quia id conditio nostra non patitur, et innumera negotiorum undique concurrentium varietate distrahimur, illos in partém apostolice sollicitudinis de latere nostro nonnunquam assumimus, quibus fore percipimus celesti dono provisum, ut in altis et arduis negotiis sciant et possint consulere provide, et utili consilio providere. Attendentes itaque, quod personam tuam altissimus gratiarum dator Dominus, scientiarum magnitudine, providentie munere, circumspectionis gratia, industrie claritate, multisque virtutibus insignivit, humeris tuis fortitudinis robur adiciens, ut ad laudem sui nominis, frequenter onera grandia supportares, plenissimam
