Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

i}0j. 8. Augusti. Pictavii. (Poitiers.) Clemens papa V. cardinali Gentili committit officium legationis in Hungaria et partibus illi conterminis. (Archívum Vaticanum. Registr. bullarum Clementis V. anni II.) Dilecto filio Gentili tituli sancti Martini in Montibus presbvtero cardinali, apostolice sedis legato. Rex excelsus, filius summi regis, Deus et homo Christus Jhesus, quem legi necessitas non subiecit, sed factus est voluntate sub lege, de celorum summis ad yma mundi descendens, ut eriperet hominem de laqueo servitutis, quo ipsum suggestio irretiverat serpentium, vestem nostre mortalitatis induit, volens per proprii aspersionem sanguinis incendia perpetui extinguere cruciatus, ut suos eterna morte possessos, vite perennis eíficeret possessores. Ipse quidem sibi commisse in regione peccaminum officium legationis exercens, in universum mundum discipulos, quos elegerat, destinavit, ut omni predicarent evangelium creature; vicarium suum instruens, nonnunquam alios, eius exemplo, in partém sollicitudinis advocare, ubi oíficii sui debitum corporalis absentia solvere prohiberet. Licet enim sit nobis potestatis plenitudo commissa, fines tamen humane possibilitatis excedere non valemus, ut dum in parte una iniunctum nobis officium exercemus, illud alibi presentialiter exequamur, quia lex humane conditionis non patitur, personam eandem simul in diversis partibus creditam sibi personaliter exequi potestatem. Nec etiam patitur ius nature, corpus unum eodem tempore locis pluribus comprehendi. Unde, cum suscepti a nobis cura regiminis nos universis Christi fidelibus constituat debitores, ne absentes negligentie relinquamus expositos, ad ipsos interdum personas ydoneas diri— gimus vice nostra, per eas residuum sollicitudinis, quam ad presentes personaliter gerimus, dispendendo. Sane, inter cetera desiderabilia cordis nostri, animarum salutem, incrementum vere fidei, observantiam ecclesiastice libertatis, quietem et pacem cunctis Christi fidelibus adesse desiderabiliter affectantes, sedula solertia vigilamus et adhibemus, quod