Teleki József gróf: Hunyadiak kora Magyarországon. Oklevéltár. X. (Pest, 1853.)

Regnicolis plene confidere possit et vicereciproca Regnum de ipsorurn Serenitatibus. Exquibus per nos et Consiliarios sue Maiestatis multa dicta ponderata sunt, et singulariter vos adintelligendum dedistis, quomodo in ipso Regno Hungarie nulla vnio nec pax fieri possent nisi per médium Coronacionis etc. Ad quod eadem Maiestas Regia respondendo vobis dici fecerat, Quod quarnquam Coronacionis huiusmodi nulla sit necessitas pro eo, quia sue Maiestatis patruelis Rex Ladislaus prefatus, per dominum Archiepiscopum Strigoniensem in loco vero cum sacra corona ordinate et iuste secundum obseruanciam antiquam Coronatus est, Et maiestas domini Romanorum Regis, ac alij katholici Reges et principes, ipsum Regem Ladislaum pro coronato Rege hucusque semper habuerunt et tenuerunt, et hodie tenent. Nicholominus (így!) tamenadconplacendum vobis et toti Regno et propter bonum vnionis et pacis respondit vobis prius sua Regia maiestas graciose in ipsam Coronacionem consenciendo Ita quod illa fieri debeat vnccione omissa cuius reiteracio iuxta ritum Sancte matris ecclesie necessaria non existit, quodque vos suam Maiestatem Regiam literatorie assecutaretis (igy!), cum Sigillo Yniuersitatis Regni predicti quod reiteracio coronacionis huiusmodi proxime celebrate coronacioni minimé preiudicet, ac quod bene prouideatur caucionibus et securitatibus oportunis , pro accedendo ad coronacionem ipsam et ibi stando atque abinde recedendo, Ita ut celebrata Coronacione huiusmodi, eidem Regie Maiestati prefatus patruelis suus Rex Ladislaus vnacum corona predicta representetur ad manus suas et in potestatem eius, omni impedimento dilacione ac reclamacione et contradicione semotis. Quemquidem Regem Ladislaum iam dicta sua Regia Maiestas in Posonio tenere vellet vobis et Regno Hungarie ad honorem vsque ad annos etatis sue Iegittime ut prefertur hoc addito, quod Castrum Posoniense pro mansione dicti patruelis assignetur prefato domino nostro Romanorum Regi quamuis eadem sua Maiestas alijs ipsius Regis Ladislai subditis similia petentibus id facere recusauerit, prout hec alias vobis lacius fuerant declarata, Sperabatque sua Maiestas vos et totum Regnum merito in hoc fuisse contentos