Nagy Gyula: A nagymihályi és sztárai gróf Sztáray család oklevéltára. I. (Budapest, 1887.)
earumdem dictis filiis Andree filii Jakow et filiis ipsorum similiter perpetuo remanente, legitimis petitionibus eiusdem comitis Pauli et iustitie annuentes, pro testimonio destinassemus, demum iidem Stephanus de Lezna et Johannes filius Nicolai de Leztemer homines ipsius domini regis, cum dicto magistro Michaele testimonio nostro ad nos reversi, concorditer nobis recitare curaverunt, quod ipsi unacum dictis partibus accessissent ad faciem universarum possessionum et portionum possessionariarum prefatorum filiorum Jakow et filiorum Andree in dicto comitatu Wngh existentium, et easdem prescripti filii Andree ut tenebantur, per predia seu per integras possessiones et dimidias, prout inferius declarabitur, in duas partes divisissent; qua divisione facta, unam partém earumdem tam in villis integris et prediis, vineis, quam etiam portionibus possessionariis, omnino specialiter infra declarandis, iuxta optionem eligendi preallegatorum filiorum Jakow, iidem filii Andree cum omnibus utilitatibus et pertinentiis earumdem, videlicet silvis, pratis, fenetis, fluviis, molendinis, patronatibus ecclesiarum in eisdem fundatarum, et vineis, ac sub metis et limitationibus similiter infra specificandis, coram ipsis et multis aliis probis viris, reliquissent eisdem filiis Jakow et heredibus ipsorum perhemnaliter possidendas, tenendas, pariter et habendas; reliquam autem dimidietatem earumdem, similiter integris villis, possessionariis portionibus, prediis, terris campestribus et arabilibus, fenilibus, silvis, molendinis, vineis, et aliis quibuslibet utilitatibus in superficie terre ut premissum est existentibus, sepedicti filii Andree, eisdem filiis Jakow permittentibus et consentientibus, pro se ipsis et suis heredibus, similiter iure perhennali irrevocabiliter reservassent, imo ipsi patrocinio prescriptarum literarum ipsius iudicis curie domini regis, cuique dictarum partium suam portionem in dicta divisione modo prenotato ad ipsam devolutam, assignassent et perpetuassent possidendam, tenendam, pariter et habendam. Nomina autem integrarum villarum ad portionem prelibatorum filiorum Jakow et heredum suorum devolutarum hec sunt: videlicet Molnustyba, Olsowtyba, Felseyezenev, Olsowyezenev, item Ketholsowriche, Zalachka, Olsowstranya, Warkund et Symonhaza; nomina vero possessionum quarum una dimidietas eisdem filiis Jakow et suis heredibus, alia vero dimidietas prelibatis filiis Andree et posteritatibus ipsorum, facta ipsa divisione, devolute extiterunt, ut iidem regii et noster homines recitarunt, his nominibus vocitantibus: scilicet Gerecche, Vinna et Zubudya; posses-
