Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 7. (Budae, 1842.)

LXXIX. Ciuitati Poson. vina ex Austria Posonium , et ad regnum Hunga riae non admittendi, introductaque oonfiscandi facultatem largitur. A. 1354, Nos Lodouicus Dei gratia Rex Huugariae: Memoriae commendantes tenore praesentium significamus quibus expedit vniuersis: quod Nos considerantes totam fidelium Ciuiuin et Hospitum nostrorum Posoniensium facultatem, solummodo de Vinis et Vineis eorundem dependere. Ex eoque utilitati et comodis eorundem Ciuium et Hospitum Nostrorum, caeterorumque quorumlibet Incolarum Regni nostri, inuigilare cupientes, ut ipsi de fructu Vinearum suarum Statum tranquilliorem, et commodum valeant reportare meliorem, eisdem fidelibus Ciuibus, et Hospitibus Nostris annuimus ex Gratia speciali, vt nullus omnino hominum Vina de Vienna, vel de quibuscunque partibus Austriae in medium ipsorum, vel ad Regnum Nostrum, aut intra terminos eiusdem, tam per Vias terrestres, quam aquaticas audeat importare. Et si aliqui homines Vina de Vienna vel de Austria in medium eorumdem fidelium Ciuium et Hospitum Nostrorum, aut in Regnum nostrum, in terris, vel super aquis importantes, per eosdem Ciues, et Hospites Nostros alicubi deprehensi fuerint, ablatione eorumdem Vinorum per eosdem incompassibiliter commisimus puniendos facta tamen prius proclamatione Publica omnium praemissorum. Datum Budae in Festo Conceptionis Virginis Gloriosae, Anno Domini MCCCLIV. Originale in pergamena. Sub sigillo dorso impresso, euius pars auulsa est, legitur: „Re!atio Lustachy et Chyko " Commuuicauit Georg. Gyurikovits.