Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 5. (Budae, 1841.)

nas Octobris anno domini DCCCCLXXVII. indictione VI. Regnante piissimo Imperatore Augusto. Ottone, anno XVII. actum in civitate Ratisbonensi. In Cliristi nomine. Amen." Monum. boicor. vol. XXXI. p. I. pag. 232—4. XIV. Nationis Hungarae primordia, virtus et constitutio primaeua. Vtra virtute, sapienti ne altae mentis prudentia, an vero bellicae fortitudinis insigni peritia, nostri Maiores inter caeteras non solum Europae, verum etiam reliquas liabitabilis terrae partes, regionesque eminuerint, facile in anticipem (sic) disputationem maximorum etiam ingeniorum cadere potest. A primo eorum ex frigidis incultae Scythiae regionibus egressu, totfluminum, vadorumque transitus penetrati, tot hostilium terrarum vires superatae, tot igni ferroque subactae provinciae, et urbes munitissimae partim subiugatae partim eversae, perpetuum et nulla oblivionis nota delebile utriusque virtutis testimonium ad perennem posteritatis recordationem transmiserunt. Verum enim vero, quemadmodum ad felicem martetogaque statum obtinendum, conditionemque Iaudabilem consequendam, animi primum lmperio, de hinc autem corporis servitio opus est: Ita, hercle, ad tanti imperii constilutionem, superatis infiniti fere generis hostibus, haud quaquam illi ipsi, a quibus nos prognati sumus, procedere potuissent, nisi utriusque facultatis vim coniunctam admirabili quadam magnitudine animi, quibuslibet adversariis suis obiectam, acerrime tuiti fnissent.