Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 1. (Budae, 1830.)

A. Ch. 1291. fdem Andreas enumeratis insignibus meritis, Georgio , filio Simonis, donationales a decessoribus suis factas, confirmat. Andreas , Dei gratia , Hungariae, Dalmatiae , Croatiae, Ramae, Seruiae, Galliciae, Lodomeriae , Cumaniae, Bulgariaeque Rex. Omnibus Christi fidelibus, praesentes litteras inspecturis, salutem in omnium Saluatore. Ad culmen dignitatis regiae , dignatione diuina , natiuae successionis ordine euocati, circumspectionis regalis statera debemus pensare merita singulorum, vt quos iusti vigor examinis dignos ostendit fauoris regii, remunerationis praemiis attollamus , quorum exemplo ceteri ad maioris fidelitatis obsequia inuitentur. Proinde ad vniuersorum notitiam tam praesentium quam futurorum harum serie volumus peruenire: quod cum nos, Deo propitio , iure et ordine geniturae in solium et gubernaculum Regni Hungariae fuissemus sublimati; et quidam, qui se Ducem Andream nominabat, adiunctis sibi peruersitatis suae sociis, in totius regni nostri praeiudicium et grauamen , contra nostram regiam procedere niteretur Maiestatem , habito cum Baronibus nostris communi consilio , et tractatu , Magistrum Georgium, filium Symonis, deputatis sibi in socios quibusdam cognatis et amicis eiusdem, ad insequendum dictum Ducem duximus destinandum, qui se eidem pro fidelitate nobis et coronae regiae , ac toti regno nostro debita , viriliter opponere non expauit. Item castrum nostrum Potok, nobis nullas praetendendo occasiones , sed omnino nostrae se submittendo gratiae, ad primum mandatum nostrum, sine difficullate qualibet resignauit idem Magister Georgius liberaliter et libenter. Ad vltimum, cum