Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

fectum fidei non est ratum, et inseparabilc apud eos matrimonii sacramentum. Si ergo, quod absit, filium vel filiam tuam contingat gentilis connubii contagio maculari ; ex. hoc vtique facto , quod non iuris effsctum, sed solam Creatoris tui contumeliam continebit, foederi pacis, aut pactionibus mediis nihil proueniet firmitatis ; et sic quum nonnisi in Domino lex christiana permittat nubere christiano; filius vei fdia tua cum infideli vxore, vel viro, execrabilium nuptiarum infame, et. captiosum contubernium sortiretur ; et peribit proh! dolor in obsceno adulterini fori volutabro lugenda eo tempore soboles principis christiani. Exsecrare ergo, Christe Domini, quaecunque, vbi ad improperium Christi tui a perfidis Christiani nominis hostibus proponuntur; et stans in iustitia, quae roborat thronos regum , inimicorum impetum non ita formides, quin Dei timorem eorum raetui anteponas, et fortitudini hominum iudices diuinam potentiam praeferendam. Non enim credere debes, te inter ceteros reges christianos in hoc discrimine coelestibus auxiliis, ecclesiae suflragiis, aliorumque orthodoxorum principum et fidelium populorum viribus deserendum; quuin non in te solum, sed in vniuersum genus humanum propter peccata plurimorum imminens tribulationis iudicium excitetur. Scis enira, o piissime rex, quia Deus, etsi miserator sit et misericors; est tamen fortis et potens, dissimulans interdum misericorditer sicut clemens , peccata hominum propter poenitentiam fructuosam, interdum potenter visitans , sicut iustus, animaduersione vindictae ; ne semper dicat in corde suo insipiens : Non est Deus. Ad hoc enim immittuntur, iusto Dei per-