Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

clesiae summo Pontifiei, BeJa , eadem gratia rex Hungariae, reuerentiam in omnibus tam debitam , quam deuotam. Cum regnum Hungariae per pestem Tartarorum pro maiori parte in solitudinem sit redactum , et quasi ouile sepibus sit diuersis infidelium generibus circumseptum, vtpote Ruthenorum, Cumanorum , Brodnicorum a parte orientis ; Bulgarorum et Bosnensium Iiaereticorum a parte meridiei , contra quos ad praesens etiam per nostrum exercitum dimicauimus; Alamanorum vero a parte occidentis et Aquilonis, a quibus propter consimilem professionem fidei fructum alicuius subsidii dignum regnum sentire deberet ; non fructum, sed spinas guerrae suae sentire compellitur , bona dicti regni per rapinas subitaneas diripientium; propter quod, sed .maxime propter Tartaros, quos timere per experientiam belii didicit, prout aliae nationes, per quas transierant, consimililer didicerunt; requisito consilio Praelatorum et Principum nostri regni ad Christi Vicarium , et fratres suos, tamquam ad vnicum et vltimum in vltimis christianae fidei necessitatibus protectorem, dignum duximus confugere: Ne nobis , imo potius vobis in nobis et aliis Christicolis accidat, quod timetur. Rumores enim de Tartaris de die in diem nobis adueniunt, quod non solum contra nos, cui indignati sunt quam plurimum , eo quod post tantam laesionem eissubesse renuimus; cum omnes aliae nationes, contra quas reperti sunt vires suas, tributarias se eisdem constituerunt, et specialiter regiones, quae ex parte orientis cum regno nostro conterminantur, sicut Ruscia, Cumania, Brodnici, Bulgaria, quae in magna parte no-