Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

quia Dominus Deus grauiter est super hoc ofFensus, monet eos , vt a talibus de cetero caueant, et de commissis poenitentiam agant. Super his etiam rogat, vt ei rescribant, quid facere velint de cetero, et quae sit eorum intentio? Quibus auditis et intellectis dixerunt Tartari: se velle equos nobis subductitios vsque ad Corrensam et ducatum praebere. — Erat autem Dux iste Dominus omnium, qui positi sunt in custodia contra omnes occidentis populos, ne forte subito et inprouiso irruant aliqui super illos. Et iste dicitur habere sexaginta millia hominum armatorum sub se. C. 21. Cum ergo peruenissemus ad eius curiam, fecit nobis longe a se stationem; tum ad o rdam, siue tentorium ipsius ductis dictum fuit, vt anle ostium stationis ter cum sinistro genu inclinaremus, et caueremus attente, ne pedem super limen ostii poneremus. Et postquam intrauimus, oportuit nos dicere ea, quae dixeramus superius. Litteras etiam Domini Papae obtulimus, sed interpres, quem de Kyouia, dato pretio duxeramus, non sufficiens ad interpretandum, nec aliquis alius habebatur idoneus. Hinc equi sunt nobis dati, et tres Tartari, qui nos ducerent festinanter ad ducem Bathy. Ipse est apud eos potentior, excepto Imperatore, cui tenentur prae cunctis Principibus obedire. Itaque iter arripuimus secunda feria post primam dominicam quadragesimae; et equitando, quantum equi trotare possunt, properabamus de mane ad noctem vsque , imo etiam de nocte saepissime, nec tamen ante quartam feriam maioris hebdomadae potuimus ad ipsum peruenire. Ibamus autem per terram Comanorum, quae tota est plana et flumina quatuor habet magna; Primum