Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

eonflictu , in fuga , ac Clyssensi asylo intemeratam seruarunt fidem, et eorum, qui reduci ope ac opera prae ceteris adstiterant, donationales ipsius Regis prodiderunt. Multiplices contestantur etiam litterae eiusdem Belae alacriorem in restauranda , quam seruanda , Hungaria sollicitudinem; qua incolas, a clade reliquos, e siluis ac latibulis protraxit-, exteros ad regnum , non habito nationum discrimine, promissaque plurium annorum a tributis immunitate , inuitauit; arces in editis locis construi, vrbes muniri fecit; regni ad Moldauiam et Yalacliiam fmes equitibus Hospitalis Ierosolymitani firmandos concredidit; de Friderico Austrio, ac domesticis, qui iuncta cum Tartaris opera, praedas per regnum egerunt, fauente Nemesi, vindictam sumsit. Illud autem curandum sibi praecipue putauit: ne bona, caesis aut in captiuitatem abductis Dominis, ac documentis litterariis Barbarorum furore absumptis , ad alienas manus venirent, iuraque confusa dissidiis darentoccasionem. In ipsum adeo commercium, artesque liberaloe