Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

promouendas curam extendit; ad Hospites in Ciues transformandos multipliciter contulit. Quod reliquum erat, Russiae ac Poloniae Principes filiarum suarum, Cumanos vero filii sui cum Cumana matrimoniis sibi, regnoque devincire contendit. His in negociis Gregorium IX. Innocentium IV. Vrbanum IV. Clementem IV. PP. nactus est sibi fauentissimos. Quin piis his Belae curis regni vulnera consanata fuerint, lis ob Iaderam cum Venetis, ac discordiae propter Austriam et Stiriam cum Ottocaro Bohemo, in atrox bellum mox erumpentes, obfuerunt. Malum nouo errore, filio suo Stephano in consortium regni adscito, auxit ipse Rex, eo minus iam venia dignus, quo magis vsu didicerit, quantis regnum ob commune suum cum Patre regimen, aulamque propriam, et quae hinc secuta sunt diuersa vtrinque Magnatum studia et assentationes, iactatum fuerit motibus. Dissidia haec eo grauius reip. acciderant, quo insolentius erat Stephani, quam Belae, ingenium. Huius in filium teneritudo, dupplici etiam re-