Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

Ita, quod populi illuc congregati, seu congrcgandi , ea in omnibus gaudeant libertate, quam habent hospites templi, et hospitales S. I oannis in regno nostro constituti , exprimi volentes, quod eosdem populos nullus Iudicum post regiam personam, vel praeter illum, cui regalis Excellentia specialiter commiserit, iudicare praesumat; sed omnes causas eorum villicus ipsorum discutiat; qui si iustitiam non fecerit, ipse » villicus, vel etiam prout necesse fuerit, aliqui ex villa per praestaldum liabentem litteras nostras, causam citationis et citandorum nomina continentes sub testimonio idoneo, et legitimo, ad nostram citentur praesentiam; ceterum firmiter inhibemus , quod nullus Baronum nostrorum super populos, ad praedictas terras conuenientes, descensus audeat facere violentos; sed cum ipsos illac diuertere contigerit, iusto ipsi precio omnia comparent. Ad haec concessimus etiam eis, quod decimas suas tempore messis , in agris relinquere debeant, more Saxonum aliorum. Insuper praedictis fratribus et domui ipsorum contulimus vnum mansum situm in villa Scymcy, cum suis pectinentiis pro descensu , et cum vineis — Alexandri Comitis , quas habebat in Scymcy; de quibus chibriones nobis debitos eis indulsimus; ne persoluant. Vt autem haec nostra donatio non possit per quempiam processu temporis retractari, in cuius rei perpetuam firmitatem praesentes concessimus litteras, duppiicis sigilli nostri munimine roboratas. Datum per manus Magistri Benedicti, Albensis Praepositi, aulae nostrae Cancellarii. Anno Dominicae Incarnationis Millesimo ducentesimo quadragesimo quarto. Sexto mensis May, regni autem nostri anno Decimo."