Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

quod accedentes ad nos ven. Pater Treguanus, Traguriensis Episcopus , cum vniuerso clero istius Ecclesiae et Cerne Garbonis rector et iudex et omnes ciues Traguriensis Ciuitatis exhibuerunt nobis priuilegium carissimi fratris nostri Colomani regis el Ducis — quod. idem frater noster Ecclesiae Traguriensi in praecipuam contulit eleemosynam; quam etiam collationem Andreas, Genitor noster , quondam rex Vngariae illustris, suo priuilegio confirmauit ; postulantes ipsa priuilegia nostra auctoritate communiri. Nos igitur memorata priuilegia iusta esse, ac omni falsitatis vitio carere agnoscentes, maxime gratiam facere volentes specialem ; quum memorati fideles nostri et omnes ciues grata nobis et nostris fidelitatis obsequia multipliciter impendissent: propter quae fauorem nostrum ad plenum obtinuerunt, petitionem ipsorum benigne duximus admittendam; exstinguentes omnem iurisdictionem, quam Comes Budislauus, seu alii quilibet contra tenorem priuilegiorum antedictorum in ipso praedio temere vsurpasse dicebantur. Quia vero dicti praedii possessio per quosdam fuerat disturbata, ipsam per dilectum et fidelem nostrum Petrum Comitem — — magistrum Tauernicorum Carissimi filii nostri, Ducis Stephani, cum omnibus pertinentiis et vtilitatibus suis, montibus, vallibus, scopulis, et pascuis vniuersis, dictae Ecclesiae fecimus integre restitui, et ipsam Ecclesiam per eundem in eorum totalem possessionem, sicuti decuit, introduci. Tenor autem priuilegii antedicti Fratris nostri talis est —Vt igitur tam donationis quam confirmationis — — perpetuam firmitatem obtineant; praesentis priuilegii charactere bullae nostvae aureae