Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

A. Ch. 1240. Idem Gregor ius hospitale S. Ictcobi Agride j a Cleto rectori Hospitalariorum restitutum, conjirmat. Gregorius — Keetori Iiospitalis S. Iacobi Agriensis salutem et apostolicam lienedictionem. Iustis petentium desideriis iustum est nos facilem praebere consensum etc. •— Si quidem tua petitio continebat; quod Iiospitale S. Iacobi Agriense, spectans ad Agriensem Ecclesiam, pleno iure a prima fundatione sui vsibus infirmorum et pauperum deputatum, eisdem exclusis exinde a quibusdam Episcopis Agriensibus, qui fuere pro tempore, in beneficium secularibus clericis concessum fuerit • venerabilis frater noster Cletus Episcopus Agriensis pie considerans, quod ex refectione pauperum retributio proueniat coelestium praemiorum, liospitale ipsum de consensu Capituli Agriensis in statu hospitalitatis pristinae ibidern seruandae perpetuo, deliberatione prouida refonnauit, prout in ipsius Jitteris confectis exinde plenius dicitur contineri. Nos igitur tuis precibus inclinati, quod al) eodem Episcopo super Iioc pie ac prouide factum est, authoritate apostolica confirmamus, et praesentis scripti patrocinio communimus. NuIIi ergo hominum liceat hanc paginam nostrae confirmationis infringere, vel ei ausu temerario contraire; si quis autem hoc attentare praesumserit, indignationem omnipotentis Dei, BB. Petri et Pauli Apostolorum eius se nouerit incursurum. Datum Laterani nonis Martii, pontificatus nostri anno XIII. E reg. anni XIII. epist. 245. Schmitth. I. c. p. 152, Katonu H. C. Tom. V. p. 879.