Fejér, Georgius: Codex diplomaticus Hungariae ecclesiasticus ac civilis. Tomi III. Vol. 2. (Budae, 1829.)

eli sententias promulgarel; ven. fratri nostro — Bosnensi episcopo, et collegis suis, ipsarum denunciatoribus deputatis; et idem rex, diutius exspectatus post terminum, non seruauerit, quod promisit , propter quod in sententias incidit supra dictas; tu, quem decuerat viriliter et potenter stare pro liuiuscemodi ordinatione Legati, quum ageretur quodammodo principaliter causa tua, prudenter prout conuenit, non attendens, quod repreliensionis nota non carent, et non modicam poenam merentur, qui neruum Ecclesiasticae disciplinae dissoluere non formidant, monitus pluries a denunciatoribus supra dictis , litterarum eiusdem legati, quarum auctoritate denunciatores in negocio procedebant, copia, quam petieras, tibi facta , non solum publicare eas noluisti, verum, ne publicarentur ab aliis , appellationis obstaculum interponens , regi suasisti praedicto , ne dictas sententias obseruaret; prout denunciatorum ipsorum exhibitae nobis litterae continebant. Si sic est, recogita per te ipsum, vtrum incideris in sententias sic prolatas, et an bene seruaueris iuramentum , quo promiseras , te Begem euv.dem ad obseruanda praedicta omnia inducturum ; ct quid poenae excessui tali debeatur. Licet igitur secundum Apostolum promptissimus obedientiam omnem vlcisei; ne tamen aliquid de contingentibus omittamus, fraternitati tuae praesentium auctoritate mandamus, quatenus si conscientia te remordet, in liuiusmodi sententias commisisse, sententias serues easdem; alioquin infra quatuor menses a receptione praesentium noslro te conspectui personaliter repraesentes, tuam super lioc innocentiam ostensurus. Datum Reate XIV. Kalendas Augusti, pontificatus nostri anno VIII."