Fejér, Georgius: Codex diplomaticus Hungariae ecclesiasticus ac civilis. Tomi III. Vol. 2. (Budae, 1829.)

Datum Reate III. idus Iunii Pontificat. nostri anno VIII.« Ex reg. anni VIII. epist. 106. Koller Epp. Quinq. T. II. p. 76. A. Ch. 1234. Idem Gregorius numerum Canonicorum Albae, in quadragenario defixum, qua sufficientem rati habet. Gregorius — Capitulo Albensi — Cum a nobis petitur, quod iustum est effectum. Praesentata siquidem nobis vestra petitio continebat: quod cum dilectus Filius noster, Iacobus Praenestinus electus, tunc in partibus Hungariae Apostolicae Sedis legatus, causa inquisitionis ad Vestram Ecclesiam accessit: idem ipsius Ecclesiae pensatis facultatibus, eiusque praebendis maioribus et minoribus coaequatis , duxit deliberatione prouida statuendum: vt eadem Ecclesia sit contenta quadragenario canonicorum numero ; quorum sint decem et septem presbiteri, facientes in ipsa ecclesia residenti-am personalem ; mandans nihilominus quod dicti Canonici cappis nigris vtantur in clioro, amotis ex illa perpetuo Clerieis vxoratis; ibidem alia salubriter statuendo. Ex quibus cum dicta ecclesia credatur et honorem et commodum perceptura, petiistis illa Apostolico munimine roborari. Nos igitur vestris iustis precibus grato concurrentes assensu, quod per dictum electum super his factum est, et in ipsius litteris confectis exinde planius continetur, ratum habentes et firmum, illud auctoritate Apostolica confirmamus, et praesentis scripti patrocinio communimus ; nisi forsan in tantum eiusdem ecclesiae facultates excreuerint, 25 *