Fejér, Georgius: Codex diplomaticus Hungariae ecclesiasticus ac civilis. Tomi III. Vol. 2. (Budae, 1829.)

«a Prenestinus electus, Apostolice sedis Legatus, salutem, et honorum omnium incrementum. Cum yestram lustramus prudentiam illustrem,nostri memoriam non querimus illustrare, placere tamen credimus, si placita inter nos, et patrem Yestrum habita, Vestro ingenio mediante, quam iurastis, vestram rogemus Amicitiam observare. Hinc est, quod dilectionem vestram obsecramus, pariter et monemus, quatenus super salibus tam praesentis anni, quam futurorum, quod ad Celsitudinem Vestram spectat, Ecclesiis satisfaciatis, aut cum effectu satisfieri iubeatis. Saracenos etiam, vel quoslibet infideles, quantum ad vos pertinet, nec praeficiatis publicis officiis, nec ab aliis praefici permittatis. Sed et quae adDominum regem , patrem vestrum spectare noscuntur, in compositionem deducta, ipsum, sicut promisistis inducere, ac monere curetis; vt absque illibatione et difficultate obseruet. Enim vero, quia praesentes vobiscum loqui personaliter non valemus, pauca de pluribus per dilectos in Cliristo Patrem, Episcopum Sirmiensem et socium et capellanum nostrum Magistrum Albertum, Vestrae Magnificentiae intimamus super his per eosdem. Responsionem Vestrae magnitudinis exspectantes, quos propterea ad Vestram praesentiam destinamus, vt ad obseruantiam tam praemissorum, quam aliorum omnium, quae in compositionem , quam habuimus cum patre Vestro, venerunt, vos vice nostra moneant, et inducant, quatenus personam Vestram contingere dinoscuntur. Quippe Vestram nolumus latere prudentiam, quod cum pauca, vel nulla de compositione post tot iuramenta conspiciamus seruata , illorum contumaciam et contemtum, qui propria circa hoc