Fejér, Georgius: Codex diplomaticus Hungariae ecclesiasticus ac civilis. Tomi III. Vol. 1. (Budae, 1829.)

tendere cum efFeclu. Quorum vtrumque tantam requirit prouisionis instantiam, vt absque graui et grandi periculo vltra dissimulari nequeat, vel differri. Ynde supplicationes et lacrymas frequenter effudimus coram Deo , liumiliter obsecrantes, quatenus super his suum beneplacitum reuelaret, sprraret affectum, accenderet desiderium, et propositum confirmaret, facultatem et opportunitatem praestando ad ea salubriter exequenda. Quapropter habito super his cum fratribus nostris, et aliis viris prudentibus frequenti, ac diligenti tractatu, prout tanti sollicitudo propositi exigebat, hoC tandem ad exequendum praedicta de ipsorum consilio prouidiinus faciendum, vt quia haec vniuersorUm fidelium communem statum respiciunt, generale concilium iuxta priscam sanctorum Patrum consuetudinem conuocemus, propter lucra solummodo animarum opportuno tempore celebrandum; in quo ad exstirpanda vitia, et plantandas virtutes, corrigendos excessus, et reformandos mores , eliminandas haereses, ad roborandam fidem, sopiendas discordias, et stabiliendam pacem, comprimendas oppressiones, et libertatem fouendam, inducendos Principes et populos Christianos ad succursum et subsidium terrae sanctae tam a clericis, quam a laicis impendendum, cum ceteris; quae longum esset per singula numerare, prouicle statuantur inuiolabiliter obseruanda. Circa praelatos et subditos regulares et seculares, quaecunque de ipsius approbatione concilii visa fuerint expedire, ad laudem et gloriam nominis eius , remediuin et salutem animarum nostrarum, ac profectum et vtilitatem populi Christiani. Quia vero ante biennium, vniuersale non posset coneilium commode