Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

iterum causae, iustitiae interpretes, aut cJementiae potius conciliatores , iidem considebant. Nulla sine his comitia, nulli conuentus regii, quin ne bella quidem ipsa his absentibus gerebantur; scriniorum magistri, tabularii sanctioris praesides et custodes ex ipsorum tantum ordine legebantur; sic, vt nihil poene publicae rei in bello vel pace occurrat, cuius non pars magna ad sacrum ordinemnon pertinuisset": ait ad res nostras Sig. Calles in praef. Hist. Eccl. Germaniae. Sed donationes quoque maiori longe numero fiebant viris Sacris, quam secularibus: Ordine S. Benedicti continuis fundationibus locupletato; Cisterciensium ac Praemonstratensium institutis in regni gremium cooptatis; bonis ac iuribus Episcopatuum , Archiepiscopi praesertim Strigoniensis, multipliciter auctis. Ac , quod, opinione mea sunimum est; dum viros ordinis seculares non amor Patriae, non gentilis lionor potest mouere ad chartas suas e captiuitate manu mittendas ; Viri sacri eas certabant proferre rebus historicis consulturi.