Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

stitutorum ipsorum ex necessitate processum impediunt, iuxta discretionem in medio residentis , rigor est ecclesiasticus temperandus. Vnde nos , tuae petitioni iustae fauentes, vt valetudinariis, senibus et infirmis , dioecesana lege tibi subiectis , qui pro iniectione manuum in personas ecclesiasticas in canonem latae sententiae inciderunt, iuxta formam ecclesiae, beneficium absolutionis possis impendere ; ita tamen, quod postquam infirmi suae restiluti fuerint sanitati , ad apostoiicam sedem accedant, et alii pro itineris labore sibi dimisso , dignum aliquid recompensent, plenam tibi vsque ad triennium auctoritate praesentium concedimus facultatem. Datum Lateran. XVII. Calendis Ianuarii. Ibid. F. CCXXVIII. p. 2. Katona Tom. IV. p. 520. A. Ch. 1198. Idern Innocentius Episcopo Clianadiensi , vt Diaconos, et Subdiaconos, qui vxores sibi copulant vetitas , reditibus priuet Ecclesiasticis , praecipit• Quidam Clerici tuae Diaecesis manifeste dicuntur doctrinae Apostoli obuiare; qui candorem ecclesiasticae puritatis, quae sine omni ruga, et macula esse debet , et omne, quod est irreprehensibile, sibi eligit , suis spurcitiis deprauantes , et dantes offensionem in populo, ministerium suum in vituperium damnosa praesumtione conuertunt. Quidam etenim ex ipsis, in diaconatus et subdiaconatus ordine constituti, vxores sibi , si tamen vxores sint nominandae, contra instituta canonica, vt dicitur, copularunt; qui postmodum dignitates Ecclesiasticas assequuti , curae student domesticae potius , quam ecclesiasticae imminere. Volentes