Fejér, Georgius: Codex diplomaticus Hungariae ecclesiasticus ac civilis. Tomi XI. (Budae, 1844.)

potuit hoc tempore, quam eum eligi, qui esset aptissimus ad tantae dignitatis onus sustinendum, ad propugnandum fidem catholicam, ad pacificandum populum Christianum , ad defendendos fideles ab oppressionibus infidelium, ad tutandum Dei ecclesiam, ad omnia denique agenda, quae boni et fidelis principis officium requirit, nam cum tua virtus et animi magnitudo sit tanta , quanta in tuli Rege postulatur, cum tuus zelus deuotionis et ardor fidei commendetur abomnibus, vires aulem et potentia tibi tales adsint, ut facile possis et virtutem et deuotionem ostendere, procul dubio speramus le eum esse futurum , qui partes Europae liberes ab infidelium dominatu, qui sanctam Dei Ecclesiam totis viribus protegas et extollas , qui pacem indigentibus largiaris. Sed quoniam diligentibus Deum , ut ait Apostolus, omnia cooperantur in bonum , ut fructus virtutum tuarum facilius consequi valeas, primum oculos tuae inentis in eum dirigas , per quem regnant Reges, et Imperia subsistunt, ut per semi tam mandatorum suorum proficiscentem exaudiat Deus, et prosperum faciat iter tuum ; fidem catholicam propagandam, ecclesiam Romanam omnium ecclesiarum et tuam in Christo matrem tibi colendam et tuendam suscipias, sedem Apostolicam et lesu Christi in terris vicarium debita veneratione , sicut decet fidelem principem , prosequaris , ames unitatem in Ecclesia Dei, schismata prohibeas, ecclesiasticas personas, earumque libertatem sub alarum tuarum protectione suscipias; haec esse opera et officia boni et iusti principis recorderis, quae qui non sequuntur, Reguin ai»t Imperatorum nomen usurpare, digni vero recte et iure Reges aut Tmperatores appellari debeant, esse non possunt. Deinde iustifiam