Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

sentia et gratis consiliis Principis salus munitur, et regnantis gloria propogatur eo peramplius, quo in gremium generosae familiarilatis, virtutum decorati fulgoribus et scientiis illustrati fuerint coassumpti; dum itaque ad illam approbatam fidelitalis tuae constantiam , prudentem quoque legalitatis industriam, quibus te in conspectu nostrae Maiestatis duodecim annis iam transactis, tantusque Physicus noster, commendabilem reddere studuisti, aciem nostrae mentis conuertimus, dumque grata tuorum seruitiorum obsequia , quibus personam nostram tuis sanis consiliis et scientia honorare curasti, et curas mcessanter, pio contemplamur contuitu, ad ea vtique Maiestas nostra benignis inclinatur affectibus, quae tui status exaltationem et honorem concernunt pariter et profectum. Sane quamuis Serenitati nostrae, et familiaribus nostris, in aula nostra conuersantibus , innotescat, te tanquam Physicum , et aedituum nostrum, seruitiis nostris regiis et imperialibus fideli studio plurimis annis adhaesisse, tuumque officium legaliter impleuisse; ne tamen in posterum aliquibus de conditione tua, qua te familiarium et Pliysicorum nostrorum consortem fecimus, aliqua possit dubietas, seu quaestionis materia suboriri : Ecce ex superabundanti, praemissorum tuorum meritorum intuitu, te praefatum Joannem animo deliberato , sanoque Principum, Comitum , Baronum et Procerum fidelium nostrorum , accedente consilio et ex certa scientia nostra in nostrum Physicum, et Consiliarium et familiarem nostrum continuum commensalem, iterum assumimus, et assumsimus per praesentes; leque aliorum Physicorum, et Consiliariorum ac familiarium nostrorum, continuorum commensalium numero, et coetui, praesentibus benigniter ag-