Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

ricisque et tabellionibus publicis. Per et infra civitatem et dioecesim Zagrabiensem constitntis, qui praesentibus fuerint requisiti, vel alter ipsorum requisitus salutem in domino et debitam ac soleitem habere diligentiam in commissis et praesentibus literis nostris fidem indubiam adliibere. Repleverunt amaritudine tabernaculum mentis nostrae illae enormes offensae praeteritae, et istud novum horrendum facinus, in Dei contumeliam, in nostram iniuriam permaximam, nostri Cleri lamentabilem oppressionem, imo et ipsius nostrae sponsae, Ecclesiae Zagrabiensis Cathedralis, cui cum divina disponente clementia, in sollicitudinis partem vocati praesidemusimmeriti, extremum contemptum seu iacturam, per illos maledictionis alumnos , nefariae perditionis baiulos , cives illos , incolas ac hospites , iudices , iuratos et homines ac communitalem eorum sacrilegam, et Gomorrae populos, de monte Graecensi, prope dictam Zagrabiam, multifarie, multisque modis et vicibus nequiter perpetratiun. (Oggesta Ecclesiae violatae sanctitate, excessus ipsorum ab anno 1397. cum novissime commissis caede, rapinis recensitis, Coriphaeos ipsorum excommunicat ob contumaciam nominetenus consignatos, donec ad cor reversi, multiplieiter laesis satisfecerint de praemissis, ac debitae absolutionis beneficium meruerint obtinere.) Datum et actum Chasmae in curia seu domo habitationis nostrae et nostro Episcopali palatio, die lunae septima mensis Septembris, sub anno Incarnationis Domini Millesimo quadringentesimo vigesimo secundo. Hora tertiarum vel quasi -— praesentibus honorabilibus viris Dominis Demetrio etc. Pontificatus vero sanctissimi in Christo Patris et Domini nostri, Domini Martini, dicta providentia Papae quinti, anno ipsius quinto.