Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

regiam et omne bonum. Nobiles et Fideles dilecti. Ad hoc nobis omnipotens Deus, auctor justitiae, dispositor aequitatis et reipublicae pro sua voluntate Director, Romani regni fastigio, licet immeritos, voluit sublimare, ut ipsam prosequamur justitiam, aequitatem sectemur , et quantum ipse concesserit, in sacro Romano Imperio Rempublicam dirigamus. Ne igitur a solicitudine, nobis commissa divinitus, tepescentes, Jura imperii negligere videamur, attenta acie mentis longe lateque prospicimus, qualiter saeri Romani Imperii domania et feuda, justo dispensalionis ordine releventur et obsequia, eidem Imperio de hujusmodi feudis debita , nullatenus ex oblivionis umbraculo suppremantur, cum itaque illustris quondam Willielmus Comes Palatinus Reni, Dux Bavariae ac Hollandiae, Zeelandiae et Hanoniae Comes, noster et Imperii Sacri Vasallus et Sodalis, ab hac luce migraverit legitimis haeredibus masculis post se non relictis. Propter quod Comitatus Hollandiae, Zeelandiae et Hannoniae praedicti, Ctim terris, castris, dominiis, subditis et pertinentiis universis ad nos, velut Romanorum regem, sint et esse debeant devoluti, licet denique nostra Serenitas Comitatus et terras supradictas (sic, ut praemittitur, ad nos et Iinperium legitime devolutas,) illustri Joanni, Comiti Palatino Reni et Duci Bavariae, fratri dicti Willielmi, Principi et Avunculo nostro charissimo, in feudum a nobis et Imperio possidendas, ex certa scientia et auctoritate Romana Regia gratiosius concesserit, ipsumque investiverit de eodem. Nihilominus tamen Illustris Johannes, Illustris quondam Antonii de Burgundia filius, et Jacoba, praefati quondam Ducis Willielmi filia, praefatos Comitatus et terras, in nostram et sacri Imperii contumeliam et injuriam