Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

praeter consensum et voluntatem nostram detinent et occupant usque modo. Quapropter vobis universis et singulis supradictis, tenore praesentium, authoritate Romana regia supradicta, seriose praecipimus et mandamus, quatenus praefato Joanni Comiti Palatino et Bavariae Duci, ac legitimis haeredibus suis masculis, de lumbis suis duntaxat descendentibus, tamquam vestris naturalibus et ordinariis Dominis et nulli alteri, parere, obedire et intendere, ad ipsos respectum habere, ipsis quoque fidelitatem et obedientiam promptam exhibere , modis omnibus debeatis, prout nostram et Imperii sacri indignationem gravissimam' volueritis artius evitare. Nam in casu, quo forsan vos aut aliqui, seu aliquis ex vobis praefatis Joanni, praedicti Antonii filio et Jacobae, fidelitatis et obedientiae iuramenta praestassent seu praestasset, communiter vel divisim, hos auctoritate romana regia, ab hujusmodi juramentis ac aliis promissionibus, tanquam illicitis et indebitis, absolvimus et liberos dicimus et declaramus, decernimus et pronunciamus, de certa nostra scientia per praesentes praesentium sub nostri regalis sigilli appensione testimonio literarum. Datum Constantiae Anno Domini millesimo quadringentesimo decimo octavo. Tricesimo die Martii. Regnorum nostrorum Anno Hungariae trigesimo secundo. Romanorum vero octavo. Rymer. Foedera et Conventus Tom. IX. p. 566« XII. Idem Sigismundus castellanorum suorum in Transilvania indebitas exactiones suffert. An. 1418. Sigismundus, Dei gratia Romanorum Rex semper Augustus, Hungariae etc. Rex. Reverendo in