Fejér, Georgius: Codex diplomaticus Hungariae ecclesiasticus ac civilis. Tomi X. Vol. 2. (Budae, 1834.)

so desiderio dilatare, quamuis pro sui copiositate per singula deseribi nequeant, nonnulla tamen ex eisdem praedigna memoriae subsequentis ordine sermonis iussimus exarari, vt exinde Jaus crescat fidelium, gratiae recompensa videatur, et meritorum retributio subsecuta animet alios fidei vestigiis inhaerere ; siquidem tunc sedatis iam pro maiori parte discordiis antelatis , fratre Thoma de Ludan, dudum Episcopo Agriensi cum plerisque suis complicibus adhuc in suscepta perfidia stante, et castrum Agriense sub multorum infidelium etiam ad resistendum robusta virium congestione suffultorum custodia conseruante prae manibusviolentis praenarrati nostri fideles cunctis infidelitatis radicibus ex eorum cordibus amputatis, cum quadringentis equitibus virorum pugnantium numero completis vna cum aliis nostris fidelibus castrum ipsum obsidione dura concludentes renouatae fidelitatis impensione diligentis obsequii laudabiliter exsoluerunt, in suis et suorum expensis, laesionumque dispendiis et laborum. Denique castro ipso pro nostrae Maiestatis voto recuperato, ad huc nonnullis nostrorum infidelium in cateruam rebellionis adunalis, ipso etiam fratre Thoma, et Stephano de Debreo capitalibus aemulis nostris cum eisdem existentibus dum propter eorumdem vires repellendas oportune viribus eguimus, iidem nostri fideles ad nostri beneplaciti nutum se iugiter offerentes ipsis nostris aemulis pro suis viribus contra stando, ibidem praelibatiis Comes Simon, sanissimi consilii maturitate perspicuus , in suorum monitum eleganti, facundia praefatorum nostrorum aemulorum corda flexit indurata ; sane senliens opus non esse praeliis, vbi gratia patientia