Fejér, Georgius: Codex diplomaticus Hungariae ecclesiasticus ac civilis. Prodromus. (Budae, 1829.)

papyraceis foliis, lapiclibus, pellibus, aliisque rebus apud Latinos veteres vsitatis, sed membranis arte praeparatis, quo maioremferrent aetatem, consignauit; expediuit etiam pluribus sub exemplis, duobus vsque septem ; vt illis a corruptione , mutilatione, aut interpolatione praecaueret : custodiendisque Templa, aliaque loca publica, viros religiosos ac virgines sacrauit. Quominus pretiosae hae traditiones fructus, quorum memini, redderent; obfuit incumbens diu regno quoque nostro communis illa temporum iniquitas, vt in repositoriis, scriniisque suis conderentur ita, ne vlli ad ea pateret accessus, nisi silentiario, siue arcliiotae; qui tegere debuit hos litterarios thesauros, instar foliorum Sybiliae; imo nequidem animum habuit, vel artem, eorumdem aliquid in lucem publicam proferendi. Non tulerant eam a seculo sexto supra decimum Viri, quos totos bonae arriserunt litterae; ne hi rerum anteactarum testes autentici ad aeternum videantur damnati silentium; ne chartae sacrosanctae blattarum imperio teneantur captiuae; qfios furor barbarus, et aduersa toties Patriae fata non sublegerunt; vt reuisis tabulariis, ad reipublicae incrementum, et lucem publicam assererentur, Antesignani, Moecenates, sociique sunt effecti.