Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

Nos conventus monasterii Beatae Mariae Virginis de Kolos Monosthra memoriae commendamus, quod egregii Stephanus filius condam egregii Nicolai Zanyzlofy de Bathor ex generosa domina Sophia filia egregii condam Johannis Banfy de Lossoncz senioris progenitus ab una, necnon altér Stephanus ac Ladislaus, Petrus, Andreas et Christoferus Banfy de Lossoncz praedicta ex altéra partibus personaliter accedentes in nostri praesentiam eaedem partes oneribus et quibusvis universorum filiorum fratrumve ac proximorum et consanguineorum suorum, quos subscriptum quomodolibet tangeret sew concerneret negotium, super se assumtis sponte libereque per easdem partes confessum pariter et relatum extitit in hunc modum, quod quamvis ratione et praetextu universorum bonorum, possessionum ac portionum possessionariarum egregii condam Johannis Banfy filii dicti alterius olim Johannis similiter Banfy de Lossoncz ubilibet existentium et habitarum diversae lites et diíferentiae controversionumque materiae partes inter easdem oriri debebant et suscitari, tamen nonnullorum proborum ac nobilium virorum pacem partium amantium ordinatione interveniente eaedem partes ad talem pacis et concordiae devenissent unionem, prout devenerunt coram nobis tali modo, quod primo sedatis sopitisque et condescensis universis causis et littium materiis inter easdem partes suscitandis et movendis universa et quaelibet bona possessionesque ac portiones possessionariae sed et praedia praefati condam Johannis Banfy iunioris tam in regni Hungáriáé, quam harum Transsiluanarum partibus ubilibet et in quibuscunque comitatibus existentes et habita plene et integre connumerentur connumerataque in quattuor rectas partes aequaliter dividantur dividendaque directa et aequalis quarta pars eorundem bonorum, possessionum ac portionum possessionariarum necnon praediorum, ad quot et quantum se extenderet quotve iobagiones in ipsa quarta parte numerati reperientur, pro huiusmodi quarta parte annotati Stephanus, Ladislaus, Petrus, Andreas et Christoferus Banfy in numero tot iobagiones quot scilicet, ut praemittitur, in dicta quarta parte dictorum bonorum possessionumque ac portionum possessionariarum numerositate fuerint reperti ita videlicet, ut pro iobagionibus Hungaris simi-