Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

regiis debere attolli praesidiis et praemiis decorare donativis, quos suis servitiis et reipublicae commodis perpendit laudabiliter insudasse. Consideratis itaque et in memóriám nostrae celsitudinis reductis multimodis laudabilium servitiorum praeclaris meritis et virtuosis complacentiis Sigismundi filii quondam Ladislai bani de Losoncz fidelis nostri, quibus ipse a pluribus iam transactis temporibus nobis et sacro nostro regio diademati sub diversitate locorum et temporum laudabiliter et indefesse, non sine rerum et bonorum suorum copiosa expositione plurimum lateri nostro inhaerendo et signanter autem dum nostra serenitas alias cum valido suo exercitu terram Morauiae pro conterendis nonnullorum suorum rebellium seu infidelium videlicet Boemorum proterviam subintrasset et eadem nostra celsitudo eundem Sigismundum una cum fratribus et familiaribus suis in quodam oppido Chotyborz nuncupato, in ipsa terra Morauiae habito, pro refrenanda rebellione eorundem nostrorum infidelium deputasset et Jodocus marchio Morauiae, qui pro tunc etiam contra nos et sacram nostram coronam videlicet regni nostri praedicti Hungáriáé cum totis suis conatibus insidianter procedebat, aggregato plurimorum Boemorum armatorum catherva super ipsum Sigismundum et familiares suos praeaictos irruisset, tunc idem Sigismundus una cum suis fratribus et familiaribus veluti tiro fortis, militari suffultus audacia in tantum se ipsi Jodoco et suis sequacibus opposuit, quod eandem una cum eisdem sequacibus in fugám convertit, nonnullos ex eisdem prostrasset et vulneribus letiferis sauciasset, in quo nobis et sacrae nostrae coronae praedictae studuit et adhuc anhelat in futurum complacere. Cupientes itaque, imo ex deliberatione matúra omnino volentes eidem Sigismundo regiae munificentiae donum clementer elargiri, ut eo ferventius nostris servitiis valeat insudare, quaedam castra, Dezne, Pankatha in Zarand ac Zalancz vocata, necnon possessionem Wylak nuncupatam in Zempliniensi comitatibus habitam et existentia, simul cum villis, tributis, vadis, molendinis, terris cultis et incultis, pratis, pascuis, silvis, nemoribus, locis molendinorum, montibus, paludibus, arundinetis, aquis, aquarumque decursibus, ecclesiarumque patronatibus et generaliter quibuslibet earundem utilitatibus quovis nominis vocabulo