Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

ccc. 1389. január 11. Zsigmond király Losonczi Dénes bánnak Bonczhida felől adott új adományát a váradi káptalan beiktató-levelével együtt privilegiális alakban átírja. Sigismundus dei gratia Ungariae Dalmaciae, Croaciae, Ramae, Serviae, Galliciae, Lodomeriae, Comaniae, Bulgariaeque rex ac marchio Brandaburgensis *)> sacri Romani imperii archicamerarius, necnon Bohemiae et Lucemburgensis heres omnibus Christi fidelibus praesentibus pariter et futuris, praesentem paginam inspecturis salutem in omnium salvatore. Regiae serenitatis gloriae convenit et honori suorum fidelium subiectorum servitia ubertatis gratia fecundare, et eorum animum promptiorem reddere et efficere retributionis cum favore. Proinde ad universorum serie volumus pervenire, quod fidelis noster dilectus baro magnificus vir Dionisius filius Thomae de Losonch regnorum nostrorum Dalmaciae et Croaciae banus ad nostrae serenitatis veniens praesentiam exhibuit nobis quasdam duas literas, unam scilicet nostram patentem sub secreto rotundo nostro sigillo, super donatione et perhempnali collatione cuiusdam villae nostrae Bonchhyda vocatae in comitatu de Doboka sitae, necnon villarum ad ipsam spectantium et utilitatum ac pertinentiarum earundem quarumlibet, reliquam vero honorabilis capituli ecclesiae Waradiensis clausam et per nos incisam, nobisque rescriptionalem, super legitima statutione earundem pro ipso rite factis confectas tenoris subsequentium, supplicans nostro regio culmini humili praecum cum instantia, ut easdem nostram et dicti capituli literas ratas, gratas et acceptas habendo praesentibusque verbo tenus inseri et redigi faciendo, pro ipso, suisque heredibus et posteritatibus universis innovantes, nostro dignaremur perhempniter privilegio confirmare. Quarum unius, scilicet nostrae literae patentis tenor is est: Nos Sigismundus . . . Következik Zsigmond király 1387 június 3. kelt oklevele; lásd a CCLXXXIII. szám alatt.) Alterius vero videlicet ipsius capituli ecclesiae Waradiensis literae clausae, per nosque incisae series sequitur esse talis;