Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

(1337). XII. 10. bus expedit universis, quod cum in congregatione nostra generáli feria quarta proxima post octavas beati Andreae apostoli Tordae celebrata, iuxta continentiam aliarum literarum nostrarum prorogatoriarum, Nicolaus filius Marcellini de Hethur personaliter astans, suam actionem contra magistrum Thomam filium Dionisii in facto possessionis Zand, alio nomine Marchilteleke nuncupatae eo ordine, ut ipsam possessionem Zand absque sua permissione modo potentiario haberet et uteretur occupatam, plurimarum literarum capituli Transsiluani protestatoriarum ex eo emanatarum exhibitione peraegisset. In oppositum idem magister Thomas filius Dionisii personaliter assurgens in figura nostri iudicii, asserens responsive dictam possessionem Zand ex condonativa erogatione voluntaria eiusdem Nicolai filii Marcellini usque terminum suae vitae irrevocabiliter facta conservare revelasset et habere, necnon plenam suae responsionis seriem efficacibus literis patentibus praedicti capituli Transsiluanensis comprobasset exhibitis, in quarum tenoribus plenissime praedictum Nicolaum filium Marcellini de Hethur inter alias suas possessiones dictam possessionem Zond magistro Thomae filio Dionisii usque vitám eius irrevocabiliter ad servandum contulisse vidissemus et dedisse, unacum proceribus et regnicolis partis Transsiluanae in tribunali iudiciario nobiscum consedentibus nos decrevimus iudicantes, quatenus Nicolaus filius Marcellini de Hethur antedictus, eo, quia causam et factum, ad quam litteris se obligaverat mediantibus, indecenter laborat litigio retractare, in facto publicis calumpniae consvetudine regni reauirente contra ipsum magistrum Thomam filium Dionisii digne esset puniendus, suisque possessionibus deprivandus, prout ex communi consensu regnicolarum praedictorum etiam duximus ipsum Nicolaum filium Marcellini fore puniendum. suis possessionibus universis in duabus partibus in manibus nostris iudiciariis et in tertia parte manibus ipsius magistri Thomae filii Dionisii de iure convolutis, unde nos volentes magistro Thomae filio Dionisii de possessionibus ipsius Nicolai filii Marcellini satisfactionis bravio legaliter correspondere, sepiusdictam possessionem Zand, alio nomine Marcelteleke nominatam. pro tertia parte possessionum ipsius Nicolai filii Marcellini, manibus nostris iudiciariis devolu-