Linzbauer, Franciscus Xav.: Codex Sanitario-Medicinalis Hungariae 1 (Budae, 1852-1856)

P r 0 o p in in in.

Fata, ut dicam, et vicissitudines sanitarias Patriae hisce in paginis, pleno agmine sistere, omni mihi perquam erat in desiderio; ast — trium prope lustrorum cursu, ruri Jazygorum vivens, cuncto commercio literario orbatus, ea tantummodo legere par eram, quae tamquam supremi in negotiis publico—politicis Regni Dicasterii Ordinationes et Mandata Regia in Archivo Inclitorum Districtuum Jazygum et Cumanorum nomine „stricte officiosorum“ congesta asservabantur, quorumque postmodo uberiorem in pervestigationem benignissimo SERENISSIMI C. R. HAEREDITARII PRINCIPIS JOSEPIVI PALATINI cum indultu, manus intendere licuit.

Fuere attamen et momenta alia, quae Hungaro „legalia“ compellata, pari cum prioribus ratione in publicae Administra- tionis sphaera „agendorum Normaeu instar semper tenebantur: conditi nimirum Articuli diaetales; Privilegia specialia ope Diplomatum ab ipsis Regibus et Regni Proceribus editorum, jam singulis Patriae fidelibus subditis, jam Coetibus Religiosorum aut Saecularium, jam universo Regno elargita; Regum apostolicorum sub moderamine peculiari pioque senso habiti strenueque observati Canones ecclesiastici, nec non Praesulum Ecclesiae Pastorales; tandem singularum Societatum aut Communitatum, Statuta in jurium suorum tutamen conscripta et servata. —