Linzbauer, Franciscus Xav.: Codex Sanitario-Medicinalis Hungariae 2 (Budae, 1852)

Regimen Caroli VI. imperatoris et regis

96

ex lignis Szolnokiiio suppeditandis, cum interventu provincialium, militarium item et salinariorum officialium in loco habitorum celeriter exstruantur, et necessariis hominibus, vigiliisque ad praecavendam cum aliis communicationem, Szolnokino non minus, quam ex parte Comitatus suppeditandis provideantur, et sic demum his, qui contumaciam inibi rite expleverint, per pontem Szolnokien- sem Cis-Tybiscum transitus concedatur. Demum vero in eo perferuntur quaere- lae, quod in nonnullis Comitatibus et Civitatibus a magistratuum officialibus nonnisi erga notabilis tax a e depositionem praescriptae de incolumitate loci a pestifera lue testimoniales passuales literae obtineri valeant; quod siquidem novo contribuentium aggravio esset, ne afflictis afflictio addatur, disponendum, ut ejusmodi rem sanitatis respicientes passuales, sine taxae exactione, gratis extradentur. Datum Posonii ut s.

lia

Vectores annonae jam reduces, qualiter tractandi.

Conci. Cons. die 18. Sept 1738.

(In seq. M. R. ddto 16. Sept. 1738.)

Attentatum famulorum cum praescitis currubus ab exercitu reducum , est utique grave, illis enim mediantibus, contagionis malum in plures Comitatus inferri potest; eo proinde jam deducto existente negotio , quod complures dictorum famulorum, ad comitatus et districtus, unde fuerunt exmissi, reverti attentaverint, aliud non superest, quam ut iidem f a- m u 1 i in tali loco aut districtu , ab aliis ejus incolis seclusi maneant, sicque experimentum fiat: an infectionis malum secum attulerint; quo praeter omnem spem inter eosdem erumpente . in separandis infectis a non infectis, illis vero debite curatis, sicque malo, ne ulterius serpat, sistendo, omni applicatione laborandum erit.

m.

Contumacia in Szalankament et Petrovaradini.

Media pestem curandi.

Conci. Cons. die 21. Sept. 1738.

(In seq. M. R. ddto 19. Sept. 1738.)

Clementer rescribit Sua Majestas SSma. ut comitatus Ba rany iensis, Tolnensis et Siimeghiensis , per quos illi, qui ab exercitu, partibusque Neo-aquisticis veniunt, transire opus habent, sive iniliiares, vel alterius conditionis homines existant, in gremium sui, et inde ulterius proficisci non admittant, quam, expleta in loco Szalankament dicto, vel Petro varad ini contumacia. Super statu autem moderni contagiosi morbi, et remediis idcirco adhiberi queuntibus, Protomedici, et in rebus sanitatis Consiliarii Pii Nicolai Garellius deductio f benigne communicatur.

f Ut nulla Pestis est sine contagio, ita ejusdem plurimae sunt differentiae, non modo quoad symptomata, quibus stipatur, sed quam maxime quoad totius morbi decursum exitumque magis vel minus saevum et truculentum: quam differentiam suo modo augent regiones, anni tempora, sexus, aetates, temperamenta, et vitae genus eorum, qui peste corripiuntur, et caetera quae his sunt similia: de quibus accuratam requirere discussionem idem est, ac petere absolutum de peste tractatum, qui forte nondum exstat.

Quae igitur in universum pestis characterem constituunt, haec sunt 1-mo Bubones videlicet in emunctoriis glandulosis erumpentes, et anthraces sive carbunculi , 2-do brevis morbi decursus. 3-tio quod major pars peste infectorum moriatur. 4-to denique quod brevi tempore latissime serpat, si sani infectos quocunque modo non vitent; haec tamen eo modo non sunt intelligenda, ac si nulla pestis esset, in qua haec omnia non concurrerent, vel si alia adessent accidentia, febribus quibusdam malignis propria: ut parotides, pustulae gangraenosae in variis partibus erumpentes, exanthemata, seu petechiae rubrae, lividae, nigrae et quae sunt alia. Siquidem sine ipsis bubonibus pestis esse po-