Linzbauer, Franciscus Xav.: Codex Sanitario-Medicinalis Hungariae 3/2 (Budae, 1855)
Continuatio prima regiminis imperatoris ac regis apostolici Francisci (II.) I.
60 Caput I. De jure vendendi pharmaca. §. 10. Ad hos scopos assequendos venditioni pharmacorum propria et singularis classis personarum medicinalium destinatur: quam huic functioni per peculiarem accomodam institutionem aptat Civitas, quamve partim jure , partim officio eorundem secundum certas leges et conditiones vendendorum impertit. §•11. Personae medicinales vendendis pharmacis destinatae suntMagistri Pharmacia e, et eorum sodales. Locus Pharmacis venditioni aptandis, ipsique venditioni inserviens Pharmacopoea, (Pharmacopolium, Apotheca) dicitur. §. 12. Venditio pharmacorum interdicta est omni alteri personae sive medicae, sive non medicae sub restrictionibus sequentibus: a) Personae medicae quaecunque in locis, ubi Pharmacopoeae existunt, prorsus abstinere debent a promiscua qualiumcunque usitatorum pharmacorum venditione, et contrafacientes iisdem cum alio quocunque illegaii venditore poenis obnoxios se reddunt. b) Personis medicis integrum quidem esse debet, cum medicamentis novis, non usitatis experimenta facere, eadem si ita velint secreta tenere, atque ut talia aegris utenda dare. c) Itaque poterunt illi talia remedia, occulto nomine, aut nomine arbitrario insignita exhibere, aut exhibenda praescribere aegris singulis ad se venientibus , aut per literas consulentibus; sed vetitum erit eadem tamquam morborum certo nomine insignitorum antidota publice annunciare, aut eorundem publica propolia erigere. d) Si quis Medicus remedium s e c r e t u m, arbitrario nomine insignitum tradit Pharmacopoeo cuidam eum in finem, ut illud erga suam praescriptionem et definitam a se taxam aegris dispensetur, et si eodem in loco sint plures Phar- maciae, tenetur Medicus cuique Pharmacopoeo idem remedium poscenti vendendum committere; secus alioquin et ipse et Pharmacopoeus, velut illegales arcanorum venditores tractantur e) Ne personae medicae facile remedium notum, ficto nomine occultatum exaggerato pretio vendant, autPharmacopoeis vendendum tradant, Medici ma- gistratuales talia pharmaca in pharmocapolis comperta examini chemico sub forma legali subjicient, et compertam fraudem ad localem Magistratum referent: ubi autem idmodi pharmaca privatim ab ipso Medico aegris vendita quoquomodo ad se pervenerint, eadem praevie ad localem Magistratum perlata similiter examini chemico subjicientur, ut inde ad movendam de sublesto artificio et exaggerato pretio quaestionem transiri possit. /■) In locis Pharmacopolio destitutis personae medicae facta praevia apud Medicum magistratualem significatione possunt vendere medicinas ita tamen, ut supellectilem suam medicinalem annuae Medici magistratualis visitationi debeant exponere. g) Medici islo in casu pharmaca artefacta et composita, apud se venum exponenda, nisi forte idoneo chemico apparatu instructa sint, debent sumere e Pharmaciis, Chirurgi vero etiam materialia simplicia, ut eo minus obnoxii sunt artificiosis saepe materialistarum fraudibus; haneque sumtionem oportet utrosque coram visitante Medico magistratuali idonee docere. K) Materialistis universim vetitum esto, minutas quantitates quarumcunque mercium quoquomodo medicinalium vendere; ulqui harum rerum quaestum unice cum Medicis et Pharmacopoeis possint exercere. §. 13. Quisque illegális pharmacorum venditor, sive Medicus sive non Medicus, si talis probetur, et ignobilis sit, mulctae pecuniariae 50 fi. Rh. subjici-
