Zeller, Carolus: De cephalaematomate (1822)

35

V. Dr. Castringiüs medicus experlentissimus Schwelmensis nobiscum communicavit casum tumoris sanguinei, cujus diameter duos digitos, altitudo dimidium digitum superabat. Margo osseus tactu facile poterat sentiri, qua re medicus primo consultus movebatur , ut eum herniam cerebri existimaret. Quatuor jam hebdomades elapsae erant, ex quo infans lucem adspexerat , tamen epithemata ex infuso herbarum aromaticarum vino parata effecerunt, ut tumor mox solveretur.

VI. Celeberrimus Ehrmann ex celebrata Ascle- piadarum Argentoratensium propagine, rerum medicarum praepositus in provincia Bavarian Rhenana, casus tumoris sanguinolenti insiti sinistro bregmati foetus , quem quintum femina integra valetudine celerrime pepererat, nobis copiam fecit. Tumor primis diebus iusigniter auctus, quem incidi parentes non sinebant, post duos menses demum, remediis solventibus adbibitis, omnino dissolvebatur.

VII. Femina, jam bis foetum facillime enixa, infantem edidit caeterum sanum , qui in bregmate dextro haematoma ovi gallinacei dimidio majus, et in sinistro paululum minus gerebat. Partus ambobus praecedentibus facilior. Femina mane experrecta dolores sentiebat. Uteri os totum apertum obstetrix peritissima advocata inveniebat. Urgente nonnisi una, eaque non admodum valida uteri contractione caput foetus, fontanella minore foramini obturato sinistro obversa, in amplum pelveos cavum detru-