Zeller, Carolus: De cephalaematomate (1822)
36 debatur. Tumor sanguinolentus bregmatis dextri distincte sentiebatur, capite adhuc in pelveos cavo haerente. Partu vix perfecto circulum utrumque tumorem ambientem animadvertit obstetrix , et ex disciplina in xenodochio hujus academiae obstetricio de ilio morbo percepta, sanguinolentos illos tumores esse, collegit. Tumores quinto post partum die a Doctore Weicht , medico Spirensi experientissimo incisi largam liquidi, atri sanguinis copiam effudere. Turunda aperturae imposita noctu movebatur. Altero die, plagae oris jamjam commissis, tumores iterum repleti , et bregmatis sinistri tumor major quam antea inveniebantur. Iterata incisione a parentibus rejecta, remedia discutientia applicabantur. Sed tumores nequaquam minuebantur, medicoque, ut incisio reiteretur, maxime urgenti, parentes tandem cedebant. At plagis celerrime iterum commissis, intumuit denuo utrumque haematoma, et parentes, sese tertiam incisionem passuros esse, obstinate negabant. Tum medicus epithemata e vino rubro imposuit, quibus tumores post quatuor hebdomadas plane dissolvebantur. Idem medicus alia duo haematomata bregmati dextro insita cultro chirurgico sanavit. Sed dedit operam, ne, ut antea, plagae celerius coirent; et sanatio justo tempore peragebatur. Deinde idem vir expertus huic morbo ita medebatur, ut spiritum cerasorum tumori imponeret, quo lacto haematomatis dissolutio post sex hebdomadas
