Zeller, Carolus: De cephalaematomate (1822)

5*

talem praebuit, qualem se praebet margo fracturae ossium cranii cum impressione. Remedia discutientia frustra adhibita. Incisione cultro chirurgico perfecta sanguis ater liquidusque profusus est. Lobstein tumoris fundum diligenter perscrutatus os nudum invenit, neque vero scabrum neque cariosum, sed omnino laeve. Nonnihil tamen temporis usque ad integumentorum cum calvaria agglutinationem perfectam praeteribat. Injectiones stimulantes et levem pressionem accomodari jubebat. Liquidus humor serosus , neque vero materia purulenta effluebat. Infans cetero- quin bona fruebatur valetudine. Mulier durante graviditate nec morbo affecta, nec vim ullam externam experta erat. Partus erat felicissimus, II.

II. Dr. Nebel , in bac urbe medicus et obstetricator experientissimus, nobiscum haec tumorum sanguinolentorum exempla communicavit, quorum descriptionem ipsissimis ejus verbis reddimus:

« Anno i 81 2 ipsis Nonis Decembris Handschuchs- hemium ad infantem quinque dierum vocatus sum. In bregmatis sinistri angulo anteriori superiori tumorem magnitudine ovi galiinacei inveni, qui obstetrice teste secundo demum post partum die, postquam caput succedaneum evanuerat, observabatur. Margo quasi osseus tactu bene percipiebatur, cutis color a naturali non differebat; tumore presso infans somnolentus videbatur. Quia tumores cranii recens natorum sanguinolentos antea non observaveram, hunc tumorem, margine osseo inprimis deceptus, pro hernia cerebri habui. Pressionem levem atque remedia ad-