Zeller, Carolus: De cephalaematomate (1822)
33 stringentia adhibenda statui. Decoctum e cortice coriario concentratum tepidum tumori superdandum et linamenta leniter firmanda curavi. Tumor sensim sensimque minutus sex hebdomadibus elapsis, infante caeterum valente, omnino evanuit. Postea demum hunc morbum bene dignoscere mihi contigit. Anni 1820 mense Martio infans quatuordecim dies natus tumorem sanguineum in dextro bregmate ovi anserini magnitudinem aequantem gerens mihi curandus tradebatur. Tumor, qui secundo jam post partum die observatus erat, aeque ac paulo ante descriptus, in angulum bregmatis anteriorem superiorem porrigebatur. Margo eminens, fluctuatio sensibilis, color cutis naturalis, tumor indolens, pressione facta nec minutus nec mala proferens symptomata, de tumoris natura mihi persuaserunt. Fomentis e specierum aromaticarum infuso vino parato adbibitis jam octo post diebus omnis tumor abiit. Sub finem anni 1821 vidi infantem quatuor dierum , qui in angulo bregmatis sinistri posteriore inferiore tumorem gerebat usque ad medium os pertinentem, eadem, qua supra descripti, indole. Epithematibus aromaticis vino admixto novem demum post hebdomadibus tumor plane discutiebatur. Qui tumor secundo demum post partum die, postquam caput succedaneum evanuerat, observabatur. In his casibus partus faciliores fuisse, haud praetermittendum censui.» 3
