Kitaibel Paulo - Tomtsányi Adamo: Dissertatio de terrae motu in genere ac in specie Mórensi anno 1810 die 14. januarii orto (Budae, 1814)
Sectio II. De terrae motu Moorensi speciatim, qui anno 1810 die 14. Januarii in provincia Albaregalensi saeviit
21 nam siliceam, tenuibus granis constantem, in strata depositam, leviter cohaerentem, partim albam, partim ab ochra ferrugineo tinctam , videre est in colle, vineis Guthensibus vicino. Nec deest arena subtilior valli Gajae , sed strato crassiore humi fertilis tecta. Colles denique, et monticuli humiliores, qui a montibus ad Gajam accedunt, et ab apposita ripa versus planitiem superiorem disperguntur, ex argilla, et subtiliore areua, in miscelam friabi- bilem conjunctis , coáluerunt, velut id ad Balinka , in praediis Eszszeny ,"Metser, et Tárnok,* ad pagos Sikátor, Csernye, et Veleg, tum etiam in praedio Aka, ad Sárkány, Ondód, alibique notavimus. c) Inflammabilium corporum indicia in hac regione vix ulla deteximus, regno minerali adscri- benda : Sulphuris certe, et pyritae nihil vidimus; turfa a siccanea hac provinciae Albensis parte o- mnis abest ; nec lithanthraces ipsi observavimus. Accepimus autem a viris fide dignis , in Ondód ante aliquot annos, dum puteus parabatur, quospiam e profunditate plurium orgiarum eductos esse, quorum stratum a Zsemle, ubi jam a pluribus annis combustibile hoc in usus eruitur, hucusque propagari, et hinc ultro versus Moór extendi verosimile est. Nec tamen ipsi , ob tjives terram tegentes , eorum vestigium seu reperire , seu sciscitando rescire potuimus. d) Paucae etiam sunt corporum vegetabilium aliorum, et animalium reliquiae, quas in peragratis locis invenimus. Inter Isztimér, et Bálinka lignum, in silicis cornei substantiam versum, offendimus; vidimus praeterea Buccina bina, e puteo ad Gánth, ut nobis relatum est, eruta; et quaepiam testaceorum aliorum fragmenta etiam in calcareo etratario e praedio Arki observavimus. A-
