Balassa, Joannes: Dissertatio inauguralis medico-politica de juvene medico (Viennae, 1838)
26 doribus nono a partu die movendis, juriuin aroniate spissarum assumtione et innumeris aliis, — quae vix ullum sobrium obcoecabunt medicum. — Fronte rugata dubium saepe movebunt parentes, si infanti— ut salvetur guttulas aliquot sangvinis demere, emeticum vel vesicans exhibere proponis;— Hei! infinitam praejudiciorum vilium seriem, quibus callosa plebs divinam defoedat artem medicam! — exclamabis amice. Indigna sunt haec fateor, et tamen nostris unice parta dissidiis, omnique aevo variantibus scholis medicis, qui et ipsi hodiedum iniquis saepe caecutimus praejudiciis.— Sic, quis non novit axioma illud pluribus dilectum ? „venam post quintam sextamve morbi diem nunquam esse secandam“— quemve latet ridicula illa circumspectio multorum, qui nec primis morbi diebus laticem mittere aut cloacam purgare sordidam audent, ne sudores pro criticis habitae hoc pacto recedant? — Et, an non soli fuere medici, qui febres exanthematicas per longius tempus jure privilegii dotarunt, aegros absque venaesectione et purgantibus interimendi? qui alexipharmacis militabant ubique. — "Vivunt crede mihi et aevo 19no medicastrorum permulti, qui de febrium intermittentium salutari indole in genere persvasi, liberum eidem concedunt campum ad vires patientis concutiendas! quin et-dictu infandum! eo procedunt, ut emeticorum et laxantium serie, depurantis febris strages ubique adjuvent; — hi dein, curae methodice peractae cum purgante rursus coronidem imponunt, ut cortex, qui abdominis viscera infarcitlubeuter, ex corpore quantocius pellatur! — Pugnus his est ad oculum, quem caeci non vident, qui roborarunt, ut denuo-turpi errore enervent! qui vomere cogunt langvidum reconvalentem, cui ante horam, ut vires colligat jus analepticum dederunt! —Sed subsisto cum inani hoc indignorum praejudiciorum torrente, ne nauseam tibi juvenis amice moveam, cui salebrosa haec doctrinae nostrae trivia superare, vires animusque data sunt. Sagaci mente adiisse scaturiginem, unde turbidi profluunt rivuli, limo- sumque sedulo repurgare alveum est sapientis medici, qui
