Bene, Franciscum: Brevis doctrina de vaccina per Franciscum Bene (Budae, 1818)

Inoculator manu laeva ita prehendit brachium inoculandi, ut quatuor supra articulationem digitis circiter cutim tendere valeat.

Tribus dextrae digitis acum , lanceolamve , calami scriptorii ad instar tenet.

Cuti tensae superimponit acum aut lanceolam oblique, ita, ut pars inferior cum cuti angulum acutum formet, liquorque in apicem acus aut lanceolae derivari valeat.

Apicem dein acus aut lanceolae Epidermidi subtradit, sed attente, ne quid sanguinis, aut saltem ultra guttulam promanet.

Postquam sic infra epidermidem penetravit Inoculator, pollice manus sinistrae epidermidem acui parumper apprimit ut dum acum extrahere vellet, liquor tanto securius cuti adhaereat.

Apicem acus lanceolaeve post factam jam extractionem bis terve, facie utraque loco puncturae apprimimus, et sic liquorem variolosum infricamus.

Simili prorsus modo perpunctio epidermidis in utroque brachio suscipitur, et ut de exitu inoculationis tanto magis tuti simus, moris est punctiones binas , a se invicem non nimium remotas , facere. Plures facere vero noxium foret, atque inutile, nam inflammatio major brachii facile subsequi posset.

*9

Si-