Bene, Franciscum: Brevis doctrina de vaccina per Franciscum Bene (Budae, 1818)

Similiter et liquoris in’tubulo vitreo asservati ope peragitur inoculatio.

§• 69Si Virus variolosum liquore siccato , lanceolae chalybeae, argenteae, ligneae, aut osseae adhaerente, contineatur *, tunc optimum est prius ope acus aut cultelli inoculatorii in brachio punctionem facere; tum lanceolam Virus varioloso imbutam aliquot minutorum spatio actioni vaporum aquae bullientis exponere, vel halitu liquorem exsiccatum emollire , ac tandem illam loco pungendo praeparato imponere, pollice laevae infricare, epidermidem apprimere; lanceolam sic aliquamdiu sub cuti servare, atque extrahere. * §• 7°*

Si vero liquor variolosus penicillo gossip- pio , linteo carpto, aut spongiae adhaereat; tunc et haec aquae bullientis vaporibus, aut halitu emollienda sunt, una alterave gutta aquae, aut salivae humectanda , lanceolave aut acu inocu- latoria excipienda. Post haec eo modo suscipitur operatio , cujus iam sub usu liquoris recentis meminimus. Idem accidit etiam cum eschara vaccinae genuinae, guttula aquae subacta, et in liquorem tenacem glutinosum transmutata.