Bene, Franciscum: Brevis doctrina de vaccina per Franciscum Bene (Budae, 1818)

ut éa praesente functiones suas peragere potuerint. In reliquis corporis partibus nullum exanthema simile conspiciebatur, nisi fors aeger digitis suis variolosis materiam purulentam fronti, naso, labiis, aut aliis quibusdam partibus in- fricasset, nam tunc omnino in his similia com- paruerunt exanthemata.

§• 18*

Dum Eduardus Jenner, pro more iam in Anglia recepto, annue inoculationem variolarum in comitatu Gloucester exerceret, complures deprehendit, qui quamvis nunquam variolas perpessi essént, non tamen receptivitatem ullam pro variolis habere videbantur. Dum ultro in causam rei inquireret, deprehendit tandem, ejusmodi homines jam vaccinam superasse.

§• 19- '

Dum videret vir egregius mórlium a vaccina acceptum longe mitiorem esse, quam qui per inoci.lationem variolarum communium provocabatur ; dum videret exanthema ad manum tantum restringi, nec inde aliorsum propagari, reliquas corporis partes immunes manere, subito saluberrima illa universo generi humano cogitatio magnum illius animum subiit: communium variolarum loco inoculationem vaccinae exerceri posse.

Noluit statim hanc cogitandi rationem publico notam reddere, sed septem adhuc annis observationes instituere, experiri maluit. Septem annis interrogarat naturam, num eam intellexerit?

i5