Az 1863-as kalocsai egyháztartományi zsinat iratai és határozatai

Index

— 216 — necessario poscit. Idcirco etiam civilis potestas huic Ecclesiae intentioni semper adstipulata est, memor : eos tantum ceu bonos patriae cives potestati a Deo positae fideliter obtemperaturos, qui adorationis tributum praestare Deo non negligunt. Quapropter animarum Pastores omni cum solertia contendant, ut dies festi debite sanctificentur. Hisce diebus rurales labores et quaecunque opera servilia cessent, forenses actiones non tractentur cum cultus divini dispendio, Missae Sacrificio quicunque insuperabili obice non detinentur intersint; ab omnibus vero excessibus, et quidquid sanctificationi dierum festorum repugnat, sollicite abstineant. Exhortamur pariter, ut fideles sacros sermones, catecheticas, homileticas institutiones solerter adeant, Sacramenta ut opportunitas tulerit devote percipiant, semet cultui pomeridiano non subtrahant, domesticam pietatem hisce vei maximé diebus colant et omnia christiani hominis officia solerter impleant. Praecipuae festivitates uti: Nativitas, Epiphania, Resurrectio, Ascensio Domini, Pentecostes, Solemnitas Corporis Christi maxima qua par est devotione serventur. Item festa Beatissimae Virginis uti : Immaculata Conceptio, Nativitas, Annunciatio, Purificatio, Assumptio, et quas Beatissimae Virginis festivitates pietas fidelium celebrare suevit, debite recolantur. In his vero et omnibus servetur is devotionis ordo, quem Episcopus pro dioecesi praescribit. In locis denique ad vias ferreas sitis, quantum possibile fuerit, habeatur ratio eorum qui iter instituunt, ut hi quoque tempus pro Sacro audiendo idoneum nanciscantur.