Az 1863-as kalocsai egyháztartományi zsinat iratai és határozatai

Index

— 211 — Caput XIV. I)e promoveiido Iiidnlgeiitiaruni usu. Indulgentiarum usus christiano populo ntilis admodum et salutaris est. Per hunc enim non modo poenae temporales pro peccatis subeundae in parte vei in toto virtute clavium Ecclesiae concessarum remittuntur, sed insimul beneficiorum Religionis major honorificentia, Sacramentorum item Eucharistiae et Poenitentiae pia frequentatio promovetur, necnon orationis, jejunii, eleemosynae aliorumque piorum operum exercitio praebetur occasio. Curandum proinde, ut in singulis communitatibus populus fidelis die dominica, patrocinium Ecclesiae praecedente, edoceatur de indulgentiarum natura, usu et conditionibus, excitentur fideles ad pium Sacramentorum usum, cuncta denique ita disponantur, ut nil a Sacerdotibus desideretur, quod ad pietatis incrementum conferre possit. Adlaborabunt animarum Pastores, ut dum populus ad loca gratiosa seu thaumaturga vei pro celebrandis festis patrociniorum ad vicinas possessiones quantum possibile est duce Sacerdote vei saltem probato seniore viro procedit, Sacramentis pie reficiatur, cultui divino intersit, et fine lucrandarum indulgentiarum solitas preces persolvat, atque debito ordine quo venit ac sub eadem inspectione redeat. Fovenda est pietas erga sanctissimum Nomen Jesu* sub cujus Octava Ecclesia indulgentiarum thesauros offert, edocendique sunt fideles de obviis occasionibus, quibüs salutarium indulgentiarum fieri possunt participes. Membra diversarum confraternitatum attenta reddantur ad imminentes confraternitatis indulgentias. Dum vero indulgentiae jubilares eonceduntur, Pastores animarum omnem suam sollicitudinem in id convertant, ut populus fidelis earum momentum intelligat, ad poenitentiam excitetur, et omnes indulgentiarum eo tempore lucrandarum conditiones debite impleat. 27*